a short film about love

1. Çox sevdiyim 1988ci ildə çəkilmiş Krzysztof Kieslowski filmi. Baş rollarını Grazyna Szapolowska(Magda) və Olaf Lubaszenkonun(Tomek) oynadığı film Tomekin hər gecə teleskopla yaşca daha böyük və olgun Magdanın evini izləyərək onun nə etdiyinə,necə hiss etdiyini izləməsi üzərində qurulub.filmin musiqisin bəstəkarı digər baxdığım Kieslowski filmlərində olduğu kimi *Zbigniew Preisner*di.

(youtube:

)

(baxma: krotki film o milosci)

2. (baxma: Krotki film o milosci)
krzysztof kieslowskinin yazdığı Romantik dram janrında, polşa istehsalı maraqlı film.
Hər şeydən əvvəl, həqiqətən, Zbigniew Preisner imzalı musiqisi tərifləndiyi qədər var imiş.

(youtube:

)

Süjet ailəsi olmayıb, ən yaxın dostunun anası ilə yaşayan gənc tomekin üzbəüz binadakı yaşca özündən qat-qat böyük qonşusu magdaya olan obsessiv * bəlkə də, saf hissləri üzərində qurulub.

--spoiler--

Açığı, pəncərə güdmə romantikası marağımı cəlb etmədiyindən * daha çox ətimi tökdüyündən :d filmin ilk 30 dəqiqəsini candərdi izləmişdim. * bu entryni pərdələri bağlayıb oxuyun, çünki qarşı binada sizi güdən ola bilər..ajdansjansnn. * anam da tez-tez paltarını dəyişəndə pərdələri bağla deyərdi əvvəllər, qadın bilib deyirmiş hahah

Tomek poçtda işləyən, sakit, fağır, asosial bir gəncdir. Həyat qayəsi, həyatının anlamı Üzbəüz mənzildəki aktiv həyatı, sevgililəri olan magdanı teleskopla izləməkdir. Bu səbəbdən filmdə baş verən əksər hadisələrə filmin sonuna kimi tomekin gözü ilə baxırıq.
Film irəlilədikcə insanlar da filmə olan baxışlarına görə iki qismə parçalanır. Birincisi, tomekin eşqinin saf olduğunu düşünənlər, ikincisi, tomekin eşqinin obsessiv olduğunu düşünənlər. Mən də obsessiv olduğunu düşünənlərdənəm. * izləyənlər bir mesaj uzağınızdayasdhsd "change my mind" deyirəm qısaca

Filmdə ən sevdiyim səhnə tomekin magdaya aşiq olduğunu söylədiyi səhnə idi. 41-ci dəqiqədəki bu dialoq hədsiz xoşuma gəldi, şəstli cümlələrdən uzaq, anlamsız cümlələr kimi görünür ilk baxışdan, az-bir az empatiya qurduqda isə təxminən platonik olduğumuz birinə eşqimizi etiraf etsək, butəhər dialoq ortaya çıxar deyə düşünürəm:
-deməli, mənə aşiq olduğunu düşünürsən.
-hə.
-Məni öpmək istəyirsən?
- yox.
-Mənimlə sevişmək istəyirsən?
- yox.
-Bərabər Gəzintiyə gedək istəyirsən?
-Yox.
-Bəs nə istəyirsən?
-Heç nə.
Bunun üzərinə, Bir sonrakı səhnədə cəsarətə gəlib Bərabər qəhvə içməyi təklif etdikdən sonra aldığı "hə" cavabı qarşısında dəli-doluluğu, yerə-göyə sığmayışı, küçədə dəydiyi qocadan coşğu ilə üzr istəməsi izlədiyim ən gözəl romantik film səhnələrindən biri idi. O səhnə aşiq olan zaman insanın ab-havasını xatırlatdı mənə, nə Artıq, nə əskik aşiq olduğum vaxtlarımda "uçmağa yox qanadıııım" əhvalı keçdi gözümün önündən. * Awwwwwwww

Magda tomekə bir şans verib, onunla bərabər yeməyə çıxdıqdan sonra tomek gecə özünü magdanın evində tapır. Bu səhnədən sonra da izləyicilərin bir digər iki qismə parçalandığı səhnəni görürük. Magda tomekin özünə olan eşqini sadəcə sekslə əlaqələndirib, tomekə toxunaraq boşalmasına səbəb olur. Bu boşalmaya qarşılıq tomekin biləyini kəsdiyi, xəstəxanaya yatırıldığını görürük, buradan da iki sual meydana çıxır ki, tomek magdaya eşqini sübut etmək üçün biləyini kəsdi? Yoxsa eşqinə qarşılıq pərt olduğu üçün?

Filmin son səhnəsində magda tomekin evində, tomekin durbini ilə öz mənzilinə baxıb, kədərini, kədərli anında tomekin ona olan dəstəyini görür, xəyal idimi, yoxsa hadisələrin gedişatı idimi qavraya bilmədim. Kədərli idi.

--spoiler--

Son vaxtlar həyatdakı ən ali məqsədlərimdən biri boş vaxt tapan kimi olmayan münasibət anlayışımı göt-baş edəcək filmlər izləyib, kitablar oxumaq olduğundan film çox yerinə düşmüşdü, suyu çıxarılmış mövzulara fərqli aspektlərdən yanaşa biləcəyimiz, maraqlı filmdir.

3. krzysztof kieslowski nin dekalogundan 6 cı film. fikrimcə film kieslowski üçün eşqin ən müqəddəs halını göstərməkdədir, bu da deməkdir ki eşqin ən müqəddəs halı platonik eşqdir. bir insana nə qədər çox məna yükləsəniz, nə qədər onu ağlınızda böyütsəniz hisləriniz də bir o qədər böyüyər. filmdəki gənc tomekin də qadına bu cür şiddətli bağlanmış olma səbəbi də budur bəlkə. tomekin eşqi aşiq olduğu qadını belə təəccübləndirmiş və cəzb etmişdir. hansı ki qadın insan münasibətlərinin sadəcə alverdən ibarət olduğunu düşünür, duyğusuz münasibətlərə girir. nəticədə dünyada hələ də eşqi üçün hərşeyi etməyə razı olan insanların varolduğu reallığı qadına aydın olur. uzun sözün qısası izlədiyim ən yaxşı eşq filmidir.

a short film about love

Yalnız deyilsən!